Оқытудағы мотивация

Бәрімізге таныс жағдай бірнәрсе бастағың келеді, бірақ уақыт жоқ. Жұма күні өз өзіңе серт бересің дүйсенбіден бастап басқа тілдерді үйренемін деп, ал сол күні басқа бір маңызды шаруа табылып қалады. Жоспарлаған жұмысыңды келесі дүйсенбіге қалдырасың. Солай кейбір жоспарларың шегеріліп орындалмай қалып жатады.

Кейбіреулер «тілді үйрену қолымнан келмейді» немесе тілді үйренугше уақыт жоқ, зейнеткерлікке шыққанда үйренермін деген оймен қалады. Кез-келген жоспардың орындалмауына ең бірінші себеп мотивацияның болмауы.

Кез-келген тілді меңгеру маңызды және өмірде қажеттілікке жаратамыз. Егер де шет тілдерін үйрену не үшін керек екенін түсінбесеңіз сізге ешқашан да уақыт жетпейтін болады. Сондықтан шет тілдерін үйрену алдында ол тіл сізге не үшін керек?, қандай мақсатта үйреніп жүрсіз? деген сұрақтарға жауап бере алсаңыз уақыт та табылады. Мақсат айқын және нақты болу керек. Шет тілдерін үйреніп жүрген адамдардың мақсаттары әртүрлі болады. Мысалы, біреулері көп тілді меңгеріп полиглот болғысы келеді, біреулері шет елге шыққанда аудармашының көмегінсіз өзі қарым-қатынас жасауды мақсат етеді, біреулер шет елге көшуді жоспарлайды т.б. Ол үшін мақсатқа жету жолдарын нақтылап белгілеп алуыңыз қажет. Сіздің тілді үйренуге кедергі келтіріп жүрген кедергілерді анықтап алыңыз. Мүмкін жұмыс орныңызға дейін баратын жолға көп уақыт кететін шығар. Көлікте кетіп бара жатып аудио тыңдаңыз. Тілді үйрететін ұстазды дұрыс таңдаңыз.