Көрсетілетін қызметті алушы көрсетілетін қызметті берушінің кеңсесіне не Мемлекеттік корпорацияға мынадай құжаттарды береді:

13.10.2026

1) Осы Қағидаларға 3-қосымшаға сәйкес нысан бойынша өтініш;

2) жеке басын куәландыратын құжат не цифрлық құжаттама сервисінен электрондық құжат (сәйкестендіру үшін);

3) кадрларды есепке алу жөніндегі жеке парақ және фото;

4) білімі туралы құжаттың көшірмесі қосымшасымен бірге;

5) еңбек қызметін растайтын құжаттың көшірмесі;

6) "Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген 075/у нысаны бойынша денсаулығы туралы анықтама;

7) психикалық мінез-құлық бұзылушылықтары бар аурудың динамикалық бақылауда жоқтығы туралы анықтама;

8) наркологиялық аурудың динамикалық бақылауда жоқтығы туралы анықтама;

9) осы Қағидаларға 7-қосымшаға сәйкес сертификаттаудан өткені туралы сертификат;

10)  мемлекеттік тілді орта деңгейден (В1) төмен емес білуі туралы (ҚАЗТЕСТ немесе QAZAQ RESMI TEST) сертификат;

11) түйіндеме;

12) біліктілік санатын беру (растау) туралы куәлік және бұйрық.

"Цифрлық үкімет" веб-порталы арқылы:

1) осы Қағидаларға 3-қосымшаға сәйкес нысан бойынша өтініш;

2) кадрларды есепке алу бойынша жеке іс парағы және фото;

3) білімі туралы мемелкеттік үлгідегі құжаттың көшірмесі;

4) еңбек қызметін растайтын құжаттың көшірмесі;

 5) "Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тізілімінде № 21579 болып тіркелген) бекітілген 075/у нысаны бойынша денсаулық жағдайы туралы анықтама;

6) сертификаттаудан өткені туралы сертификат;

7) мемлекеттік тілді орта деңгейден (В1) төмен емес білуі туралы (ҚАЗТЕСТ немесе QAZAQ RESMI TEST) сертификат;

8) түйіндеме;

9) біліктілік санатын беру (растау) туралы куәлік және бұйрық.

Жеке басын куәландыратын, білімі туралы құжаттар, психикалық мінез-құлық бұзылыстары бар науқастарды динамикалық байқаудың жоқтығы туралы анықтамалар, наркологиялық науқастарды динамикалық байқаудың жоқтығы туралы анықтамалар туралы мәліметтерді көрсетілетін қызметті беруші "цифрлық үкімет" шлюзі арқылы тиісті мемлекеттік цифрлық жүйелерден алады.

Осы тармақтың 3) және 4) тармақшаларында көрсетілген құжаттарды жұмыс орнының персоналды басқару қызметі (кадр қызметі) немесе білім беру ұйымының жауапты қызметкері растайды және мөрмен расталады.